Шивээговь сумын бизнес эрхлэгчид, бүтээгдэхүүний чанарыг сайжруулах, тэдний ашиг орлогыг нэмэгдүүлэх, тэдний ашиг орлогыг нэмэгдүүлэх, өөр хоорондоо бизнесийн харилцаа тогтоох, хамтран ажиллах, харилцан туршлага солилцох үйл ажиллагааг өргөжүүлэх зорилгоор "НЭГ СУУРИН - НЭГ БҮТЭЭГДЭХҮҮН 2016" үзэсгэлэн худалдаа 2016 оны 09 сарын 28-ны өдөр сумын төв талбайд зохион байгуулагдлаа. Уг үзэсгэлэн худалдаанд 14 иргэн 5 нэр төрлийн бараа бүтээгдэхүүнээр оролцож, нийт 1,065,000 төгрөгийн борлуулалт хийлээ.

Үзэсгэлэн худалдааны үеэр Хоол үйлдвэрлэлийн чиглэлээр М.Цэндсүрэн, Талх нарийн боовны чиглэлээр З.Батжаргал, Гар урлалын чиглэлээр Ё.Үүрийнцолмон, Оёдлын чиглэлээр З.Батбаяр, Хүнсний ногоо үйлдвэрлэлийн чиглэлээр Д.Нүүрхүү нар "ШИЛДЭГ"-ээр, Хамгийн их ургац хураасан иргэнээр Т.Ганбаатар нар тус тус шалгарлаа.