Шивээговь сумын Ахмадын холбооноос санаачлан 2017 оны 05 сарын 28-ны өдөр "100 ЭХИЙН ЦАЦАЛ ӨРГӨХ ЁСЛОЛ" арга хэмжээг зохион байгууллаа. Уг арга хэмжээнд урилгаар иргэдийн Төлөөлөгчдийн Хурлын дарга Ц.Эрдэнэбат, Говьсүмбэр аймгийн Ахмадын хорооны дарга Ц.Данзансодов нар урилгаар оролцож, сумын Ахмадын хорооны дарга Б.Оюунбат, иргэдийн Төлөөлөгчдийн Хурлын дарга Ц.Эрдэнэбат нар үг хэлж арга хэмжээг эхлүүлэв.
Арга хэмжээний нээлтэнд Шивээн ганхаа бүжгийн хамтлагийн гоцлол бүжигчид, 3-р сургуулийн сурагчид ая дууны мэндчилгээ хүргэж, МУСТА Л.Хүдэр гуай охин Ж.Сүнжидмаа, зээ охин Ч.Долгормаа нарын хамт монгол ардын уртын дуу "Уяхан замба тивийн наран" дуугаар ая дууны мэндчилгээ дэвшүүллээ.
