2018 оны 01 сарын 04-ний өдөр малын гоц халдварт "Шүлхий" өвчний шинж тэмдэг илэрсэн голомтын бүс орчмын гарц замыг хааж, тэмдэг тэмдэглэгээ хийж, байршууллаа. Үүнд:
- Өндөршил-Баянжаргалан урд талын зам
- Өндөршил-Баянжаргалан хойд талын зам
- Даланжаргалан-Халзангийн зам урд хэсэгт
- Баянжаргалан-Говьсүмбэр чиглэлийн жоншны зам
- Говьсүмбэрээс Шивээговь, Дорноговь чиглэлийн хойд шороон замыг хаасан тэмдэг тэмдэглэгээ хийсэн.
Халдварт өвчний дэгдэлтээс урьдчилан сэргийлэх ажлын хүрээнд голомтын бүсэд буюу Хар толгой хэмээх газарт нутагладаг айлын хашаа хороонд нийт 15м2 талбай, устгалын цэгт 20 м2 талбай, худгийн орчимд 9м2 талбай бүхий газарт ариутгал, халдваргүйжүүлэлтийг хийлээ. Мөн Хар аманд байрлах хяналтын Нэгдүгээр пост 7 тээврийн хэрэгсэл, Төмөртийн аманд байрлах хоёрдугаар пост 4 тээврийн хэрэгсэлд тус тус ариутгал хийсэн байна.
Сумын Онцгой комисс
