2019 оны Орон нутгийн хөгжлийн сангийн хөрөнгөөр хийгдэх бараа, ажил үйлчилгээний саналыг 957 өрх буюу сумын нийт өрхийн 89,6 хувиас авч 1, 2-р багийн Иргэдийн нийтийн хурлыг 2018 оны 05 дугаар сарын 09, 10-ны өдрүүдэд зохион байгуулж эрэмбэлүүлсэн бөгөөд сумын Засаг даргын 2018 оны А/47 захирамжаар байгуулагдсан “Төсөл, арга хэмжээг төлөвлөхөд арга зүйн зөвлөмж өгөх” ажлын хэсэг хуралдаж нэгдсэн жагсаалтыг боловсруулаад байна.
“Соёлын төвийн дулаан, цэвэр усны шугамыг сольж шинэчлэх” ажлыг “Чандмань” иргэдийн бүлэгтэй 4985700 төгрөгөөр гүйцэтгүүлэхээр гэрээ байгуулан ашиглалтад хүлээн авах улсын комисс ажиллуулсан.
“Зүүн гэр байрны ундны усны худгийг цахимжуулах, зүүн гэр хорооллын худгийн байрыг засварлах” ажлыг “Сүмбэр зууч” ХХК-тай 9.800.000 төгрөгөөр гүйцэтгүүлэхээр гэрээ байгуулан ажлыг эхлүүлсэн бөгөөд ажлын явц 50 хувьтай байна.
“3 дугаар Цэцэрлэгийг тохижуулах/гэр, зөөлөн эдлэл/” худалдан авах ажлыг “Мөнх авзага хайрхан”ХХК-тай 5.800.000 төгрөгөөр нийлүүлэхээр гэрээ байгуулаад байна.
Нийтийн эзэмшлийн ногоон байгууламжуудад бут, сөөг тарих, усалгаа, арчилгаа, хамгаалалт хийх, цэцэрлэгт хүрээлэнг цэцэгжүүлэх” ажлыг “Илчлэг-Шивээ” ОНӨҮГ-тай 2.000.000 төгрөгөөр гүйцэтгүүлэхээр гэрээ байгуулж усалгааг эхлүүлээд байна.
Нийтийн эзэмшлийн гэрэлтүүлгийн урсгал засвар, үйлчилгээ хийх ажлыг “Энхжих формат” ХХК-тай 5.747.800 төгрөгөөр гүйцэтгүүлэхээр гэрээ байгуулаад байна.
Сумын төвийн гудамж, талбай, албан байгууллага, айл өрхийг үе шаттайгаар хаягжуулах ажлыг “Их эффект” ХХК-тай гэрээ байгуулахаар албан бичиг хүргүүлээд байна.
