Хэнтий аймгийн Чингис хотод 2018 оны 04 сарын 01-нээс 04-ний өдрийн хооронд зохион байгуулагдсан Зүүн бүсийн өсвөрийн жудочдын тэмцээнд Шивээговь сумын Хаялга спорт клубын өсвөрийн 15 жудо бөх оролцож, 5 аймгийн 320 гаруй баг тамирчдаас Б.Билгүүнмөрөн, Д.Эрдэнэбат нар Алтан медаль, О.Уугансувд, М.Гийгүүлэн, Н.Марал-Эрдэнэ, Т.Агваандаш нар Хүрэл медаль тус тус хүртсэн амжилт үзүүлсэн.
Сумын Хүүхэд залуучуудын хөгжлийг дэмжих дэд хөтөлбөрийн хүрээнд тус тэмцээнд сум орон нутгийнхаа нэрийг гаргаж, амжилттай оролцсон өсвөрийн бөхчүүдийн унааны зардалд 100000 төгрөгийн дэмжлэг үзүүллээ.
