Шивээговь сумын ард иргэдийн төлөөлөл болох 50 орчим хүн Шивээговь сумын Засаг даргаа батламжлуулахаар аймгийн Нутгийн удирдлагын ордны өмнө жагсаал хийлээ. Жагсаалын явцад Аймгийн засаг дарга Г.Батсуурь жагсаж буй иргэдийн төлөөлөлтэй уулзаж зарим асуудлыг газар дээр нь шийдвэрлэн ажиллалаа.

Мөн аймгийн Засаг дарга Г.Батсуурь Шивээговь суманд 2018 оны 11 сарын 23-ний өдөр өөрийн биеэр очиж ард иргэдтэй уулзаж Шивээговь сумын Засаг дарга В.Бат-Эрдэнийг үүрэгт ажлаас нь чөлөөлсөн Захирамжийг уншиж танилцуулан дараагийн Засаг дарга томилогдох хүртэл Засаг даргын орлогч Ж.Цэвээндуламыг Засаг даргын албан үүргийг түр орлон гүйцэтгэгчээр томиллоо.