АХИУ ЦАС ОРЖ, ЦАСАН ШУУРГА ШУУРНА.

Малчид, иргэд, тээвэрчдийн анхааралд: 19-ний өдөр, 19-20-нд шилжих шөнөдөө Говьсүмбэр аймгийн нутгаар цас орж, үзэгдэх орчин хязгаарлагдаж, зам даваанд халтиргаа гулгаа үүсэж болзошгүйг онцгойлон анхааруулж байна.Иймд:

• Цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах;
• Онцын шаардлагагүй бол холын замд гарахгүй байх
• Тээврийн хэрэгслийн жолооч нар хол, ойрын замд гарах тохиолдолд тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих, баталгаагүй зам, гүүр, гарамгүй газраар зорчихгүй байх;
• Иргэд, малчид салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг онцгойлон анхааруулж байна.

Мэргэжлийн байгууллагаас гаргасан мэдээ мэдээлэл, өгсөн зөвлөмж зааврыг тогтмол харах, болзошгүй аюулаас сэрэмжтэй байхыг анхааруулж байна.