Нар хур тэгширсэн дэлгэр зуны нарлаг сайхан өдрүүдэд Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 113, Ардын Хувьсгалын 103 жилийн ой, Шивээговь сум үүсэн байгуулагдсаны 35 жилийн ойн баяр наадмаа 2024 оны 07 дугаар сарын 08,09-ны өдрүүдэд тэмдэглэн өнгөрүүллээ. Их баярын торгон дэвжээн дээр хүчит бөхчүүд минь уран мэхийг уралдуулан, онч мэргэн харваачид маань ур цэцээ шалгасан, эрмэг хурдан хүлгүүд маань хурд шандсаа сорьж унасан хүүхэд, уясан эзнээ баясган, баяр наадмаараа Шивээговьчууд бид хуртай хууртай, өргөн дэлгэр сайхан наадлаа.

• Нээлтийн үйл ажиллагааг Говьсүмбэр аймгийн Иргэдийн Төлөөлөгчдийн Хурлын дарга Ш.Билэггүмбэрэл, Шивээговь сумын Иргэдийн Төлөөлөгчдийн Хурлын дарга А. Дэлгэрзаяа, Сумын Засаг дарга Ч.Сугармаа нар нээж, наадамчин олонд баяр наадмын мэндчилгээ дэвшүүллээ.
• Нээлтийн үеэр Үндэсний их баяр наадмыг угтан улс, орон нутгийнхаа эдийн засаг, нийгмийн хөгжилд үнэтэй хувь нэмэр оруулан төрийн дээд одон медаль аймаг, орон нутгийн шагналаар шагнагдаж байгаа иргэддээ хүндэтгэл үзүүлж

Улс, аймаг, орон нутгийнхаа хөгжилд гар бие оролцон, ажилч хичээнгүй байдал, авьяас чадвар, хөдөлмөр зүтгэлээрээ манлайлан, гавьяа зүтгэл гаргасныг үнэлэн төрийн дээд одон медаль, салбарын болон аймаг, орон нутгийн шагналаар шагналаа.

Төрийн дээд шагнал, одон медалиар шагнагдсан нийт иргэддээ халуун баяр хүргэе.