Улаанбурхан өвчний лабораторийн шинжилгээгээр батлагдсан тохиолдол 2019-2024 онд бүртгэгдээгүй байсан бол 2024 оны 07 дугаар сарын 30-ны өдөр гадаад улсаас зөөвөрлөгдсөн халдвар лабораториор батлагдаж, дотоодын халдварын тоо нэмэгдэж байна. Өнөөдрийн байдлаар манай улсад УЛААНБУРХАН өвчний 12 тохиолдол лабораторийн шинжилгээгээр батлагдаад байгаа учир иргэд та бүхэнд СЭРЭМЖЛҮҮЛЭГ мэдээллийг хүргэж байна.
Улаанбурхан өвчин гэж юу вэ?
Улаан бурхан өвчин нь вирусээр үүсгэгддэг цочмог халдварт өвчин юм. Агаар дуслын замаар буюу халдвартай хүн ханиаж найтаах төдийд маш амархан халдварлана. Уг өвчнөөр бага насны хүүхэд өвдсөн тохиолдолд хүндрэх, эндэх эрсдэл өндөр байдаг.
Улаанбурхан өвчин аюултай юу?
Халдварт өвчин дотроос халдварлах чадавхиараа хамгийн өндөрт ордог өвчний нэг бөгөөд халдварлалтын индекс нь 96-98% юм. Улаанбурханаар өвдсөн 5 хүн тутмын 1 нь хүндрэх эрсдэлтэй. Уушгины хатгалгаа, тархины үрэвслээр хүндэрч болзошгүй бөгөөд улмаар үхэлд хүргэх аюултай.
- Иймээс та бүхэн биеийн эсэргүүцлээ сайжруулах, дархлаагаа дэмжиж ажил амралтаа зохицуулж, чанартай хоол хүнс хэрэглэх.
- Онцын шаардлагагүй бол олон нийтийн газраар өөрөө болон бага насны хүүхдийг авч явахгүй байх, олон нийтийг хамарсан арга хэмжээнд оролцохгүй байх.
УЛААНБУРХАН ГЭЖ ЮУ ВЭ ?
УЛААНБУРХАН ӨВЧНИЙ ЭМНЭЛЗҮЙН ШИНЖ ТЭМДЭГ.
УЛААНБУРХАН ӨВЧНИЙ ҮЕД ИЛРЭХ ШИНЖ ТЭМДЭГ.
УЛААНБУРХАН ӨВЧИН ДАРААХ ХҮНДРЭЛИЙГ ҮҮСГЭДЭГ.
УЛААНБУРХАН ӨВЧНӨӨС ХЭРХЭН СЭРГИЙЛЭХ ВЭ? зэрэг мэдээллийг иргэд та бүхэнд хүргэж байна.
