Төрийн жинхэнэ албаны ерөнхий шалгалтыг улиралд нэгээс доошгүй удаа зохион байгуулахаар хуульчилсны дагуу энэ онд авах 4 удаагийн шалгалтын хуваарийг 2023 онд баталсан. Хуваарийн дагуу 2024 оны III улирлын шалгалтын цахим бүртгэлийг 2024 оны 08 дугаар сарын 21-ний өдрийн 09:00 цагаас 09 дүгээр сарын 05-ны өдрийн 09:00 цаг хүртэл Төрийн албаны зөвлөлийн https://exam.csc.gov.mn/ цахим хуудсаар дамжуулан зохион байгуулна.
Төрийн албаны зөвлөлөөс төрийн албаны ерөнхий шалгалтад оролцогчдод зориулсан 2024 оны “Төрийн албаны ерөнхий шалгалтын сорил, даалгавар” цахим номыг цахим болон цаасан хувилбараар гаргасан. Шалгалт энэхүү цахим номын хүрээнд явагдана. Та дараах линк дээр дарж цахим номтой танилцаарай.
