Говьсүмбэр аймгийн Шивээговь сумын 2024 оны Орон нутгийн хөгжлийн сангийн хөрөнгөөр “Хуучин хогийн цэг булшлах, шинээр хогийн цэг байгуулах ажил”-ын явц 100 хувийн гүйцэтгэлтэй дуусаж 2024 оны 10 дугаар сарын 25-ны өдөр хүлээн авах комисс ажиллаж үүрэг даалгаврын биелэлтээр байнгын ашиглалтад хүлээж авлаа.

Гэрээний нийт үнийн дүн: 234,491,141 төгрөг

Гүйцэтгэгч: “СҮМБЭР ХИШИГ” ХХК

Сумын 2 хэсэг байсан хуучин хогийн цэгийг нэгтгэн 1 том овоолго үүсгэн шинэ хөрсөөр хучсан ба овоолгоос баруун тийш 900 метр зайд шинээр хогийн цэгийг байгуулан ажиллалаа.

Сумын иргэд, аж ахуйн нэгж байгууллагууд та бүхэн шинээр байгуулсан хогийн цэгт хашаагаар орон нүхний баруун хойд хэсгээс эхлэн хог хаягдлаа асгана уу.

Байгаль орчныг хамгаалах тухай хуулийн 4.2, хог хаягдлын тухай хуулийн 10 дугаар зүйлд заасан иргэний үүргээ биелүүлэн ухамсартай хандахыг хүсье. Дээрх хуулийн заалтыг зөрчсөн Иргэн, ААН, АБ-д зөрчлийн тухай хуулийн 6 дугаар зүйлийн 6.8-д заасан хариуцлага хүлээлгэнэ.