“ЭРХЭС КОНСТРАКШН” ХХК-тай байгуулсан “ШИВЭЭГОВЬ СУМЫН ГЭР ХОРООЛЛЫГ ЦЭВЭР, БОХИР УСНЫ ШУГАМ СҮЛЖЭЭНД ХОЛБОХ АЖЛЫН ЗУРАГ ТӨСӨВ БОЛОВСРУУЛАХ АЖИЛ“-ын гэрээний дагуу 2025 оны 02 дугаар сарын 17-ны өдөр гурван талт уулзалт хийж Ажлын зургийн трассын зураглалыг эцэслэн шийдвэрлэж, батлагдсан зураг төсвийг магадлалаар оруулан гэрээний хугацаанд буюу 2025 оны 03 дугаар сарын 13-ны дотор хүлээлгэн өгөх талаар хуралдлаа. Хуралд захиалагчийг төлөөлж Шивээговь сумын Засаг дарга Ч.Сугармаа, Засаг даргын орлогч Л.Бадамханд, Хөрөнгө оруулалт, эдийн засаг төлөвлөлт, худалдан авах ажиллагаа хариуцсан мэргэжилтэн Д.Баттуул, Ашиглагч талыг төлөөлж Илчлэг шивээ ОНӨААТҮГ-ын дарга Б.Доржханд, Ерөнхий инженер Д.Алтанцэцэг, дулааны горим тохируулгын инженер Б.Мөнхцоож, гүйцэтгэгч талаас “ЭРХЭС КОНСТРАКШН" ХХК-г төлөөлж Ерөнхий инженер Б.Эрдэнэбаатар, Ус хангамж ариутгах татуургын инженер П.Наранжаргал оролцлоо.